Kaash mere seenay mein Dil nahi hota,
To main kabhi itna Buzdil nahi hota.

Na darr hota kisi ke Bicharnay ka,
Aur tumhare bin rehna itna Mushkil nahi hota.

Jis ada hum marr gaye wo aur baat thi,
Warna har koi hamare mezaj ke Qabil nahi hota.

Jo yaad karta itna khuda ko! to Walee kehlata,
Yo shab-e-firaaq mein jagna Lahasil nahi hota.

Na gilay hote,na Shikayat hoti,
Aur kisi ko mananay ka Silsila nahi hota.

Guzar jati zindagi Pur-aman yaro,
Kisi ki ashko se ye Mushtahel nahi hota.

Na koi bewafa hota na koi Majboor hota,
Armaan marte magar in ka koi Qatil nahi hota.

Doob ke marna hi anjam hota hai iss safar mein,
Ishq ke samandar ka magar Sahil nahi hota.

Tere dukh ne dihka diya Mai-khane ka rasta,
Warna main saaqi ki bataon se Qahel nahi hota.

Chaha hai usay khud se Begana ho kar Baqtiyar,
Ittna to koi apne aap se Gafil nahi hota.

Kaash mere seenay mein..,