Main Aaina Hoon, Woh Mera Khayal Rakhti Haifficeffice" />

Toot-na Jaon, Sambhal Rakhti Hai,

Har Ek Masley Ka Hull Nikaal Rakhti Hai

Zaheen Hai, Mujhe Hairat Mein Daal Rakhti Hai,

Main Jab Bhi Tark-E-Talluq Ki Baat Karta Hoon

Woh Rokti Hai Mujhe, Kal Pe Taal Rakhti Hai,

Woh Mere Dard Ko Chunti Hai Apne Palkon Se

Woh Mere Waste Khud Ko Bahaal Rakhti Hai,

Woh Doobne Nahi Deti Hai, Dukh Ke Dariya Mein

Mere Wajood Ki Naav Uchhaal Rakhti Hai,

Duaein Usski , Balaaon Ko Rok Leti Hain

Woh Mere Chaaro Orr Dhaal Rakhti Hai,

Ek Aisi Dhun, Ki Nahin Phir Kabhi Maine Suni

Woh Munfarid Si Hansi Mein Kamaal Rakhti Hai,

Usey Nadamatein Meri Kahan Gawara Hain?

Woh Mere Waste Aasaan Sawal Rakhti Hai,

Woh Muntazir Mere Rehti Hai Dhoop Mein

Main Laut-Ta Hoon To Chhaon Nikaal Rakhti Hai!